کوميک ژانرين اؤزلليکلري

بيلال آلارلي

کؤچورن:عباس ائلچین

            

(صؤحبت لطيفه ژانريندان گئدير)

      ائله بير خالق يوخدور کي، اونون گولوش سبتي بوش اولسون. ان گئري قالميش خالقلارين، حتّي ايبتيداي تصّوورلرله ياشايان قبيله‌لرين و اينکيشاف ائتميش مدني خالقلارين اؤزونه مخصوص گولوشو، تبسّومو واردير. فولکلورون ژانر آغاجيندا گولوش اؤز توتومو ايله فرقله‌نير. بئله گومان اولونور کي، ميفولوژي آنلاييش کيمي گولوش بوللوقلا، فيراوانليقلا، يئنيليکله باغليدير. هر بير دؤوره مخصوص گولوشون داخيلينده هم داغيديجي، هم ده ياراديجي باشلانغيج مؤوجوددور. بونا گؤره ده سوسيولوقلار بئله حساب ائديرلر کي، بشریيّت ان فاجيعه‌لي و اوزونتولو کئچميشيندن گوله-گوله آيريلير کي، بو دا گله‌جکده بئله حاللارين باش وئرمه‌سينه قارشي دوشونولموش ان ياخشي "بديعي" سيلاحدير. خالق ياراديجيليغي‌نين گئنيش ياييلميش کوميک نؤوعلري بو مقصدله ياراديلميش، اينکيشاف ائده‌رک چوخ‌ژانرلي بير ساحه‌يه چئوريلميشدير. نظري باخيمدان گولوش ايکي يئره بؤلونور: جيدي گولوش و تنقيدي گولوش. جيدي گولوش سئوينجدن، غلبه‌دن، فرحدن، طنطنه و مووفّقيتدن دوغور، آيري-آيري فردلرين، کوللئکتيولرين، خالقلارين، عومومي‌ليکده بشرييّيتين اوغورلاريني شن بير اووقاتلا تصوير ائدير. تنقيدي گولوشون اساسيندا آيدين ايدئال، مسلک، ايجتيماعي-سياسي معنا دورور، اوندا يونگول اَيلنجه‌دن، ريشخنددن، لاغلاغيدان، هيريلتيدان چوخ جيدي فيکير و مضمون اولور.

منبع : ملانصرالدین (Molla Nəsrəddin)کوميک ژانرين اؤزلليکلري
برچسب ها : گولوش ,جيدي ,بئله ,کوميک ,جيدي گولوش ,ژانرين اؤزلليکلري ,کوميک ژانرين ,کوميک ژانرين اؤزلليکلري دانلود زيرنويس فارسي